Kabanata 70

"Sa tingin mo ba gugustuhin niya pa rin akong makasama?" Nag-aalalang tanong ni Yi Jinli.

Hindi makapaniwala si Gao Congming na naririnig niya ang mga salitang ito sa Young Master dahil ang buong akala niya ay laro pa rin ang lahat at nakahanda ito sa lahat ng posibleng mangyari sa oras na malaman ni Ling Yiran ang katotohanan. "Gusto niyo po bang makasama si Miss Ling?"

'Ibig bang sabihin nito...inlove na talaga si Master Yi kay Miss Ling?'

Nang sumagi ito sa isip ni Gao Congming, biglang nanlaki ang mga mata niya at hindi niya na napigilan ang sarili niyang magtanong, "Master Yi, wag mong sabihing..." Pero habang nasa kalagitnaan ng pagsasalita ay bigla siyang nahimasmasan at hindi na tinuloy ang sinasabi.

"Anong gusto mong sabihin? Ituloy mo!" Utos ni Yi Jinli.

"Ma...master Yi, sa tingin ko po ay inlove na kayo kay Miss Ling..."

'Sabi ko na nga ba eh! Wala namang ibang pwedeng maging rason si Master Yi sa lahat ng mga ginagawa niyang konektado kay Miss Ling kung hindi siya