Chapter 45

"May itatanong lang ako sa 'yo, Ella Marie," dahan-dahan na sabi ni Andrea kay Ella Marie habang magkaharap silang kumakain ng lunch. Sumama muli ito sa kanilang dalawa na kumain dahil kasama ni Clarissa kumain ng lunch ang boyfriend niya kaya wala siyang makakasamang kumain. Wala naman ang kaibigan niya na si Clarissa kaya hindi naman nito makikita na sumasama pa rin siya sa dalawang magkaibigan. Pinagbabawalan na kasi si Ella Marie na sumama kina Andrea at Gretta. Sinasabi nito na bad influence lang silang dalawa ngunit nararamdaman naman ni Ella Marie na hindi naman ganoon ang dalawa.

Iniangat kaagad ni Ella Marie ang kanyang ulo at ginawaran ng matamis na ngiti si Andrea bago nagsalita. "Ano 'yon, Andrea? Ano'ng itatanong mo sa akin?" tanong ni Ella Marie kay Andrea. Nagkatinginan muna ang magkaibigan na sina Andrea at Gretta.

"Nakita mo na ang kaibigan namin na si Martin, 'di ba?" mahinang usal niya sa harap ni Ella Marie na seryosong nakatingin sa kanya. Tumango ito pagkasabi ni