Chapter 40.1

Chapter Forty

No need

    Kanina pa naghihintay si Dennis ngunit dumating na lang ang oras nila para mag-time in sa office, wala pa ring dumarating na Raymond.

Hindi kaya nairita iyong isa sa kanya sa ginawa niya noong isang araw dahil hinalikan niya ito? Bumigat ang loob niya sa naisip. Pero kung ganoon nga, mas kailangan niya pang pag-igihan ang pagpapa-impress kay Raymond. Sino ba kasing nagsabi sa kanya na iwan niya ’to? Ngayon nahihirapan tuloy siyang makalapit dito.

Kung wala lang siyang klase kahapon, malamang na pinuntahan niya na ito sa bahay nila. Pero noong huli nilang usap ni Raysen, hindi raw doon nakatira si Raymond kaya paano niya ito makakausap? Iyong number na binigay naman kasi ni Raysen, hindi siya sinasagot sa mga text na ginagawa niya.

Dahil wala talagang paraan si Dennis, si Raysen ang t-in-ext niya.<