Chapter 46.2

Caught

    

    

    Pagkatapos ng pag-uusap nila, lumabas si Dennis ng kwarto kasama ang grandparents ni Raymond. Pagbukas pa lang ng pinto, sumalubong na kay Dennis ang nag-aalalang mukha nito. Nilingon nito ang lolo’t lola at pinaglapat ang mga labi habang nakakunot ang noo. 

Napatingin na lang ang lola kay Raymond at hindi makapaniwalang nagbuga ng hangin mula sa bibig. "Akala mo ba, inapi namin ’tong si Dennis, apo?"

Biglang napakamot sa ulo si Raymond at nag-iwas ng tingin sa lola. Siya naman, hinawakan ito sa braso at ngumiti para ipakitang ayos lang siya. 

Mahinang natawa ang matandang lalaki at napalingon silang tatlo rito. Tumikhim ito nang mapansin na natuon ang pansin nila. Sumeryoso ito ng ekspresyon at pilit pinagtakpan ang pagkapahiya. 

"Tara at hinihintay na nila tayo,"