CHAPTER FIFTY-ONE

CHAPTER FIFTY-ONE

Maagang nagising si Gerald sa araw na iyon. Kailangan niya munang dumaan sa gym bago sunduin si Britney at ihatid ito sa kanilang campus kung saan din siya noon nagtapos ng pag-aaral. Maraming mga masasayang sandali ang University na iyon sa kanya ngunit matagal na niya iyong ibinaon sa limot. Hindi na kasi kailangan pang balikan pa niya ng nakaraan.

Nagsabi siya kay Britney na siya na lang ang maghahatid at magsusundo kaya huwag na niyang gamitin pa ang sasakyan nito. Mabuti at napapayag niya ang kakambal nitong si Sackey na mahimik. Kailangang pulido ang plano. Hindi siya kailangang magkamali. Kagabi, matagal siyang dinalaw ng antok lalo pa't alam niyang sinagot na ni Diane si Ringgo ngunit alam niyang lalabas at lalabas din kung ano ang totoo. Masakit sa kanya iyon ngunit alam niya kasing darating din sa ganoong pagkakataon. Inunahan lang niya kaya nagawa niyang kontrolin ang emosyon. Hindi pa tapos ang laban. Kung hindi niya magawang ilayo si Diane sa mundo nila