WORDS

Vreihya's P.O.V

Mahigpit kong hinawakan ang makapal na balabal nang maramdaman ko na ako na lamang ang mag-isa sa higaan. Sadyang nakadagdag sa lamig ng paligid ang katotohanan na ako na lang ang mag-isa. Marahan kong iminulat ang aking mga mata at buong pwersa na inupo ang aking sarili mula sa pagkakahiga.

Habang kinukusot ko ang aking mata at ginigising ang aking diwa ay unti-unti kong nakita si Mino na nakatayo malapit sa lamesa. Ang kaniyang makisig na likod ang siyang aking nakikita habang nakapatong sa kaniyang balikat ang mahimbing na natutulog na bata. Hindi ko alam kung bakit ako napangiti sa aking nakikita.

Nang marahan siyang humarap sa akin ay nakita ko kung paano niya marahang hinahagod ang likod ng batang balot na balot ng makapal na kasuotan. "What happened?" agad kong tanong nang magkasalubong ang aming mga mata. "He is having nightmares kaya hinele ko para makatulog," saad nito habang paunti-unti niyang isinasayaw nang marahan ang kaniyang katawan upang ihele ang bata