CHAPTER THIRTY-FOUR

Naglaho ang kanina’y masaya at excited niyang ngiti, at napalitan iyon ng samu’t saring emosyon. Hindi niya inaasahan ang narinig mula rito. Tumatak na kasi sa isip niya, hindi magagawa ng binata na tanungin nito ang mga Ate o ang Mama nito, tungkol sa magiging reaksyon ng isang babae sa sobrang bluntness na ginagawa nito sa kanya.

Hindi niya alam kung magagalit o magwawala sa nalaman, siya naman ang nag-udyok sa binata na gawin iyon upang magising ito sa mga kalokohang pinapakita sa kanya.

“I want you to know that I was determined to get you—by hook or by crook, Marga. That’s my way, and I will never apologize to you for that”

Ngayon niya naitindihan ang mga salitang binitawan ni Xander kagabi na tumatak sa kanyang isipan. Naipilig niya ang kanyang ulo nang ma-realize kung bakit bigla na lamang nagbago ang mood nito. At kung tama man ang hinala niya, marahil, tulad niya ay nawindang din ang Ate ng binata sa pinanggagawa ng kapatid nito.

Marami siyang gusto itanong sa binata, pero