CHAPTER TWENTY-FIVE

“Bago na naman ang paraan ng pananantsing mo, Xander!” impit niyang saway rito.

Lalo pang lumapad ang pilyong ngiti ng binata saka inilapit ng ilang dangkal ang mukha nito sa kanya.

“You’re so f*cking sexy, baby,” bulong nito, bakas sa boses nito ang magkahalong saya at panunukso.

Sinamaan niya ito ng tingin, kapagkuwan, kinurot niya ang kamay nito na nasa kanyang bewang.

“Ouch!” naibulalas ng binata kapagdaka’y tumawa ng malakas.

“Sexy your foot!” nakangiwi niyang sabi. “Ang harot-harot mo!” bulyaw niya rito, saka sinunggaban ang pagkakataon na makaalis mula sa pagkakahawak nito sa kanyang beywang.

Nagpatiuna siyang lumabas ng boutique at hindi na nilingon ang tumatawa pa ring binata. Nayayamot siya lalo sa ipinapakita nito sa kanya. Nanggigigil siya sa sobrang inis rito.

Mas lalong sumimangot ang kanyang mukha nang pagpasok nila sa convenience store ay tanging ang binata lang ang binati ng tatlong babaeng staff. Kaya agad siyang napalingon sa kanyang likod.

Huling-huli niya