Chapter 23

(Author's Note: This chapter has been edited. Please remove the book from your library and add it again to access the updated chapter. Thank you!)

Namilog ang mga mata naming dalawa ni Amira sa kaniyang ginawa. Agad akong nag-iwas ng tingin nang napansin ko ang paglingon ni Love Rein sa amin.

Tumingin ako kay Miguel. Ngumiti lang siya sa ginawa ni Love Rein sa kaniya. Kinilabit ako ni Amira. Agad akong napatingin sa kaniya.

"Hindi ba talaga siya girlfriend ng pinsan ko? Bakit naman siya nanghahalik kung hindi niya boyfriend si Miguel?"

Nakataas ang kilay ni Amira habang nakatingin at inoobserbahan ang mga kinikilos ni Love Rein. Umayos siya ng tayo nang lingonin siya ni Tita Marry. Kumunot ang noo ni Tita Marry. Palipat-lipat ang paningin niya sa amin.

"Tinatarayan ka na naman ba ni Amira, hija?" Tanong ni Tita Marry.

Agad akong umiling. "Hindi po. Mabait naman po pala 'tong si Amira." Nakangiting sagot ko at inakbayan si Amira.

"Mabait? Kailan naging mabait ang batang 'to? Suwai