032 | Official Part 2

           Mangha si Calley sa dami ng tao sa bayan ng Contreras. Hindi niya akalaing ganoon ka-raming mga bisita ang pupunta roon upang ipagdiwang ang piyesta ng Immaculada Concepcion na ayon kay Phillian ay siyang santo sa bayang iyon.

           Ang bayan ng Contreras ay maliit lang at malapit din sa dagat. Ang center niyon ay ang parish church. Nasa kanang bahagi ng simbahan ang malawak na sports field habang ang nasa kaliwa ay ang parking area. Nasa harapan naman niyon ang plaza, at sa likod ng plaza naroon ang malaking wet market. Sa paligid niyon ay maraming magkakatabing mga tindahan ng gulay, karne, munting mga groceries stores, at ibang uri pa ng mga paninda. At dahil fiesta sa araw na iyon ay nagkalat ang mga local food stalls. Mara