Chapter 41 - The Encounter

"Maya! Bumalik ka rito!" Buong pwersang sigaw ni Shane habang pasakay si Maya sa loob ng sasakyan ni Brian. Nanlulumong mga braso at paa ang makikita sa katawan ni Shane pagkatapos na talikuran siya ng kaniyang anak. Pakiramdam nya ay hindi sya naintindihan ni Maya kahit ilang beses nyang sabihin kung gaano kasakit ang naranasan nya nung araw na 'yun. 

Nakita nyang may ibang babae ang first love nyang si Daniel, ang daddy ni Maya at parehong araw nang nalaman nyang namatay na ang kanyang Papa dahil hindi naagapan sa ospital. Kahit sinong dumanas ng parehong sakit ng pagkawala at pagkabigo ay nanaising kamuhian ang mundo sa lahat ng nangyayari sa kanya. Saglit pang nagflash back ang huling eksena ni Shane sa harap ni Daniel at Penny habang nakapinid ang kanyang luhaang mata sa blangkong espasyo ng pinto.

"Pinabayaan mo ang Papa ko dahil sa kalandian mo?" Mala- leong titig ang ibinigay ni Shane kay Penny habang nasa isip nya ang kalagayan