Kabanata 27

”Sinasabi mong ninakaw niya ang konsepto mo?” Kumunot ang noo ni President Sawyer.

“Tama ‘yan. May ebidensya ako sa laptop ko. Nagbuhos ako ng sobrang daming oras at nagsikap akong maiguhit ang mga ideyang ito, sinimulan ko pa ang 2D sketch mula sa wala. Nasa akin din ang paunang guhit.”

“Ipakita mo sa akin.”

Mabilis na kinuha ni Catherine ang kanyang laptop, ngunit sa kanyang gulat, lahat ng dokumento ay nawala. Hindi niya nahanap ang initial sketches na tinago niya rin sa kanyang pitaka.

Sa bilis ng kidlat, inilingon niyang bigla ang kanyang ulo kay Henry na nakatayo sa malapit. “Dinelete mo ba lahat ng dokumento ko?”

Wala na siyang maisip pang iba kundi ang lalaking ito.

“Nababaliw ka na ba? Katrabaho mo ‘ko.” Pinadyak ang kanyang paa sa sobrang galit.

Si Rebecca, na nakatayo pa rin sa podium, ay nagsabi sa istriktong boses, “Cathy, tama na ‘yan. Pwede nating resolbahin ang mga personal nating problema sa ibang oras, ngunit ito ay napakalaking pagkakataon para sa Summit. Kail