Chapter Sixty Six

KINABUKASAN ay pinayagan na si Anastasia ni Marisol na lumabas ng hospital at sa bahay na lang magpahinga. Binigyan din siya nito ng riseta para sa pampakapit ng bata. Pwede raw sila bumalik next week para magpa-ultrasound siya.

Nang huminto ang sasakyan sa harap ng mansion ay unang bumaba si Rolly para pagbuksan siya ng pinto at para alalayang bumaba.

"Oh, dahan-dahan," anito habang hawak siya nito sa baywang at sa kamay.

"Rol, hindi ako baldado. I can walk," aniya.

"Ano ka ba, mas maganda 'yung nag-iingat," giit naman ni Rolly.

Kaya wala na siyang nagawa kundi magpatiunod sa pag-alalay nito sa kanya papasok sa bahay. Napahinto sila nang humarang si Craig sa daraanan nila.

"Tabi," anito. Pero nanatili pa ring nakahawak si Rolly sa kanya.

"Bibitawan mo siya o babaliin ko ang mga kamay mo?"

Buntong hiningang binitawan siya ni Rolly. Agad siyang napakapit sa balikat ni Craig nang pangkuin siya nito. Nang akmang hahakbang na ito papasok sa loob ay huminto ito at tumingin kay Rolly.

"Don'