Chapter 24

Naging mas abala kami kahit palapit na ang Intramurals. Maganda sanang oportunidad ang papalapit na activities para makapag-enjoy naman kaming mga estudyante pero dahil papalapit na rin ang midterms, kailangang doble kayod. Iba pa ang mga kailangang gawin para sa nalalapit na Intrams.

"Eirene, may meeting daw mamayang five para sa lahat ng committee members. Sa student council lounge lang daw tayo. Alam mo na ba?"

Si Katie habang inaayos ang mga telang nagkalat sa table niya. She's one of the few people I am close to in our batch. Major subjects na kasi ang kinukuha ko ngayong semester. Kung hindi mga senior namin na huling kinuha ang subject ay mga ka-batch ko naman ang mga kaklase.

She smiled at me and handed some of the fabrics that I need. Inabot ko iyon at sinimulang tabasin.

"Hindi nga eh. Salamat sa info. Hindi na ako nakakapagbasa ng mga memos sa bulletin board. Masyadong abala para sa parating na midterms," ngiti ko.

"Ayos lang. Kita nalan