Chapter 37

Mabigat ang pakiramdam ni Nathalie nang magising siya. Dahil siguro sa pag-iyak niya kagabi. Naghilamos siya ng kanyang mukha at uminom ng maligamgam na tubig. Naglakad rin siya palapit sa pintuan upang buksan ito. Nagulat siya nang pagbukas niya ng pintuan ay nakita niyang tulog si Rafa. Nakaramdam siya ng awa para sa kanyang asawa ngunit kaagad rin niya itong binalewala.

"Rafa, bakit dito ka natulog?" Gising niya sa lalaki.

"Good morning, hon." Nakangiti na bati nito sa kanya.

"Bakit hindi ka umuwi sa bahay mo?" Tanong pa niya ulit sa lalaki.

"Hindi ako uuwi sa bahay natin na alam kung hindi ka okay." Sagot nito sa kanya.

"Okay lang ako, kaya umuwi kana." aniya kay Rafa.

"Hon, alam ko na malaki ang kasalanan na ginawa ko. Pero hayaan mo ako, hayaan mong maging ama ako sa anak natin. Huwag ka ng magtrabaho dahil kaya ko naman kayong buhayin. Tratuhin mo ako ng malamig, saktan mo ako, balewalain mo ako pero sana ay hayaan mo akong maging ama sa anak natin. Na maging asawa sa 'yo ulit.