Pulot Gata

 

 

Sa bahay na nag hapunan si Yasmin at sinundo na lamang ito ng asawa nito kinagabihan.

 

“Konting tiis pa ha, pasasaan pa at kapag 22 ka na ay makakawala ka na rin sa batas ng ibang tao, lalo ng papa mo. Tapos ay ikaw na ang magdedesisyon para sa sarili mo,” Niyakap nito si Tala.

“O-opo tita.”

“Limuel ha, protektahan mo ang pamangkin ko. Wag mo siyang hahayaang mag-isa doon ha,” kay Limuel naman ito tumingin at nagbilin.

“Opo tita,” inakbayan nito si Tala.

“Salamat, salamat sa inyo Dalisay. Mauna na kami,” sumakay na ito ng sasakyang minamaneho ng tito Fred ni Tala. Kumaway lang ito at hindi na bumaba.

 

Nang makaalis ay blanko pa rin ang utak ni Tala.

 

“Halika na kayo para ma-impake ninyo na ang mga dapat ninyong dalhin. Bibili na lamang tayo ng regalong alay para sa mga datu bukas at sa papa mo na rin. Limuel ha, kailangan kang magbigay galang doon,” si Dalisay na parang ngayon lang rin nataranta.

“Opo Mamang, ako po ang bahala,” ba