Chapter 56: Pasabog

Yvo Artemis POV

Dahan-dahan kong iminulat ang aking mata. Tumama ang eyeballs ko sa puting kisame ng kwarto ko. Napalunok ako sa napanaginipan. Mayroon daw isang maliit na insekto na mukhang tao. May pakpak siya na kulay pula at nagniningning na parang tala. 

"Ginoo," napabalikwas ako dahil sa gulat. Umupo ako sa dulong bahagi ng kama ko. Dumako ang tingin ko sa ulunan ng kama ko. Hindi ako agad nakapagsalita! Gusto kong sapakin ang sarili kung totoo ba ang nakikita ko. "Ginoo pakiusap, kailangan kita, kailangan ka ng Prinsesa" 

'Hindi ito panaginip? T-Totoo?'

Kumunot ang noo ko dahil sa sinabi niya. Agad no'n napukaw ang interes ko kaya isiniwalang-bahala ko ang gulat.

"B-Bakit? A-Anong nangyari sa kaniya?" Tanong ko ng may kaba sa dibdib. Huminga siya ng malalim. Pinagsiklop ang kamay at itinapat sa dibdib. Kunot man ang noo niya ay kita ko ang lungkot sa kaniyang maliliit na mga mata. Naroon ang pag-aalala.

"Ngayon ang kasal ng