POTENTIAL: TWENTY-NINE Pt.2

Isa na namang putok ng baril ang umalingawngaw pero wala nang tinamaan dahil sinali ko na silang lahat sa force field ko. Napatingin ako kay Sky na seryosong nakatingin din sa akin. Binabalanse niya siguro kung dapat ba naming pagkatiwalaan si Dr. Deguro. Walang duda na may alam siya sa dinukot na mga bata pero may parte sa akin na wala siyang kasalanan. Dahil dito, mas lumakas ang pakiramdam ko na may mali nga sa nangyayri ngayon.

"Sumama ka kay Dr. Deguro, Trisha. Kami na ni Sky ang bahala sa kanila!" utos ko kay Trisha, kasabay ang pagpapakawala sa mga kasamahan ni Doctor. Gulat naman si Trisha na tila hindi makapaniwala sa naging utos ko.

"Si-sigurado ka, Alex?" nag-aalalang tanong ni Trisha.

"Trust me." Alam kong mahirap para sa kanya lalo na sa kabila ng nangyari. Takot siya at n