CHAPTER 45

DIVINA

Maaga pa lamang kinabukasan ay handa na siya. Ngayon ang araw na matutupad na ang isa sa pangarap n'ya. Ang makasama at maibalik sa kanya ang isa sa nawawala niyang triplet na inakala niya na matagal nang nawala sa kanya. Mabait pa rin ang diyos sa kanya, sapagkat pinahintulutan nito na makita at masagip niya ang kanyang mumunting anghel na napunta sa mga hindi karapat dapat na pamilya.

"Mukhang masaya ka na ngayon, makakasama mo na rin ang isang anak mo? Kaunting panahon pa at makakasama mo na silang lahat," ani manang Esme. Masaya ito para sa kanya.

Tumango s'ya na maluha luha, "Tama po kayo, at pinapangako ko na hindi na niya kailanman mararanasan ang hirap na dinanas niya sa kamay ng mga taong iyon. Ako na ang mag aalaga sa kanya simula ngayon. Wala ng aapi sa kanila at mag papahirap."

"Talagang itinulot ng panginoon na mabawi mo sila ulit at makasama. Alam ko na mabuti at malinis ang puso mo para sa kanila, at alam ko na mapagtatagumpa