Chapter 59.3

"Huling programa na namin ito ngayon at uuwi na rin ako pagkatapos nito. Ang nasa isip ko sana ay kahit dalawang araw na lang pa muna rito para saglit na magbakasyon at uuwi na rin ako pagkatapos no'n, gusto ko rin namang mag-enjoy habang narito na rin ako," mahinang bulong ko kay Amiel habang nili-lighter-an ko ang kandilang binili ko na nasa tabi ng nakaukit sa pangalan ni Amiel.

Nang may apoy na ang kandila ay saka ko naman pinagpagan ang sementadong nakaukit na pangalan niya dahil may mga halamang naroon. Sinunod ko namang ayusin ang bulaklak at napangiti naman ako, humangin nang malakas kaya naman dinamdam ko ang hangin na sumalubong sa akin. Napapikit pa ako para talagang damang-dama ko ang preskong hangin.

Buti na lang ay makulimlim ang panahon kaya naman hindi gano'n kainit, nagkuwento pa ako kung ano ang mga naganap sa buhay ko sa loob lang ng halos isang buwan na pagbabalik ko rito sa Pilipinas, no'ng matapos ng pagbisita ko sa kanya. Nakuwento ko na rin ang tungkol sa nan