Chapter 45

Sinundo muli si Rizza nina Diego sa tapat ng tindahan ni Aling Tasing kinabukasan. Akala niya ay makikita o makakasalubong niya si Bebot ngunit hindi nangyari 'yon. Wala rin ito doon sa may tindahan ni Aling Tasing. May mga umiinom na naman na tambay muli doon ngunit wala talaga si Bebot. Araw-araw naman na may mga umiinom doon na mga tambay. Ang nakapagtataka nga lang ay wala si Bebot. Hindi naman sa hinahanap niya ito kundi nagtataka nga lang siya kung bakit wala ito doon. Nasanay kasi siya na sa tuwing lalabas siya sa sa bahay nila at pupunta sa may tindahan ni Aling Tasing ay ang mukha kaagad ni Bebot ang nakikita niya pero ngayon ay hindi 'yon ang nakita niya. Mabuti nga na hindi muna niya ito nakita dahil alam niya na kukulitin na naman siya nito at nagsasabi ng kung anu-ano lalo na ngayon na sinabi nito na gusto siya.

Tahimik lang si Rizza habang nasa biyahe sila pabalik sa mansion ni Drake. Hindi nakatiis si Diego sa katahimikan na nakakabingi sa loob ng sasakyan kaya nanan a