Chapter 61

Narinig ni Drake ang lahat ng mga paliwanag ni Rizza sa kanya tungkol sa dahilan nito kung bakit siya umiinom ng contraceptive pills para hindi siya mabuntis dahil sa takot na baka may mangyaring masama sa kanya kapag nanganak siya kagaya ng ibang mga babae na hindi maganda ang kinahahantungan. Naniniwala naman si Drake sa mga paliwanag ni Rizza sa kanya. Wala namang ibang posibleng dahilan ito sa kanya kundi 'yon lang. Humugot siya nang malalim na buntong-hininga at pilit na ikinalma ang kanyang sarili. Hindi siya puwedeng magalit nang sobra kay Rizza kahit alam niya na maling-mali ang ginagawa nito sa kanya. Kahit saan pa ito pumunta ay mali ang ginawa nito. Niloloko siya nito ngunit napagtanto naman niya na mali ang ginagawa niya kaya itatapon na sana niya ang pills na iniinom.

"Sorry talaga, Drake. Sana ay mapatawad mo ako sa ginawa ko na 'yon sa 'yo. Iyon lang talaga ang dahilan kung bakit umiinom ako ng pills. Nakokonsensiya naman na ako sa ginagawa ko na 'yon na hindi tama dah