Chapter 17.2

Napatitig ang matanda sa hawak na kutsilyo ni Rosie. Kinabahan siya nang ibato ito ng dalaga na tumama at bumaon sa pader. Para siyang aatakihin sa nangyari at napahawak sa kanyang dibdib.

"A-ano bang ginagawa mo Ms. Bamford?!" galit nitong saad matapos na makita ang kutsilyong nakabaon sa pader.

Lumapit si Rosie sa pinag-upuan kanina ng matanda't kinuha ang telepono nitong nakababad sa tubig. Isang kisap mata, nasa harapan na siya ni Mr. Nable na lumaki lalo ang gulat na kitang kita sa buo nitong mukha.

"A-ano... k-ka?" May takot sa boses ng matanda habang nakatitig sa mata ni Aonani na unti-unting nagbabago ang kulay. Pagharap niya sa gilid, muntik na siyang atakihin talaga sa puso nang makita si Nicklaus. "A-anong..."

Nakalabas ang pangil ng binata at pulang pula ang matang nakatingin. Pagbaba ng tingin ni Mr. Nable sa kamay ni Nicklaus, nakita niya ang paghaba ng kuko nito kaya napahakbang siya palayo sa dalawa. Tumama ang likod nito sa pad