Chapter 110.2: Losing Hope

THIRD PERSON’S POV

Matapos ang ilang minutong pakikipagsagupaan nina Leaves, Yazenth, Virgo, at Mnemosyne kay Green ay nagawa rin nila itong huliin gamit ang kapangyarihan ni Virgo. Ikinulong niya ito sa isang kalasag na gawa sa tubig upang hindi makawala. Gayunpaman ay sa taglay na lakas na kapangyarihan ni Green ay magagawa rin nitong sirain iyon nang walang kahirap-hirap. Kaya ginamit ni Yazenth ang kaniyang kapangyarihan upang pagtibayin ang kalasag na tubig.

Sinubukan naman ni Green na sirain ang kalasag na iyon. Mararamdaman sa lupa kung gaano kalakas ang pinapakawalan nitong enerhiya dahil nagdudulot ito ng pagyanig.

Napabuntonghininga si Yazenth at saka siya napaupo sa damuhan dahil sa naramdamang pagod sa pakikipaglaban kay Green. Lahat sila ay may mga sugat sa katawan. Habol-habol din nila ang kanilang mga hininga habang minabuting magpahinga muna ng ilang sandali.

Pinag-usapan nila kung ano ang gagawin kay Green. Alam nilang hindi nila kayang ilipat si Green sa ibang lugar,