61 Faced with Danger

Nagpumiglas si Ellaine, nagbabakasakaling makakuha pa siya ng tiyempong makatakas pa, subalit madali pa rin siyang nahuli ng dalawa. Gusto sana niyang makipagmatigasan pa sa mga ito subalit naalala niyang maaaring mga tauhan ang dalawa ni Matteo. Malulupit ang mga ito at walang awa kahit na bata, matanda, o babaeng walang kalaban-laban ang kanilang biktima, kaya nang mapagtanto niyang wala siyang kawala ay hinayaan na niya ang mga ito na mahuli siya. At least nakalayo na si Anjie.

Mabilis ang kanilang mga galaw nang hilahin siya ng mga ito sa loob ng isang pinto na ang dapat ay mga empleyado lang doon ang tanging may access. Nang mapagtanto ni Ellaine na may balak ang mga ito na dalhin siya sa ibang lugar ay nakaramdam siya ng matinding kaba at pagkabahala kaya nagsimula na naman siyang magpumiglas. Sisigaw rin sana siya para humingi ng tulong o kaya naman ay makapukaw ng atensyon ng iba pang mamimili sub