Chapter 16

Rose

Nagliligpit ako ng mga gamit na dapat ay itapon na nang minsan na umuwi ako sa amin. Day off ko naman at nagpaalam na rin ako kay Ethan na dalawin ang pamilya ko. Abala rin naman siya sa darating na anniversary ng resort at wika pa niya na may inimbitahan daw na mga sikat na singer at mga banda.

Mula sa lumang kabinet ay nahalungkat ko ang mga lumang notes ko. Napangiti ako nang buklatin ang isa sa mga notes ko at bumungad sa akin ang mga compose songs na madalas kong pagkaabalahan noong college days ko. Inilipat-lipat ko pa ang pahina habang inaalala ang mga panahong mahusay pa akong kumatha ng awitin.

“Nakita mo na pala iyang mga notes mo,” wika ng inay.

“Ikaw pala, ‘nay. Nagliligpit lang ako para itapon iyong mga hindi na nagagamit. Nakita ko lang din itong mga notes ko noon.” Isa-isa ko ng sinalansan sa paper bag ang mga hindi ko na kailangan para itapon na.

“Itatapon mo na rin iyan?” tanong niya.

“Eh, hindi ko naman na gagamitin at saka hindi ko na rin ho hilig ang mag-compo