Chapter 11.3

Hindi namalayan ni Vena na napasarap na pala ang kwentuhan nila ni Adrianne kaya nang mapansin niya na sobrang tagal na pala niya doon ay nagpaalam na siya. Ayaw pa nga sana siya nitong payagan na umalis dahil hindi pa sila nakakapagkwentuhan ng sobrang tagal ngunit nagpaalam na talaga siya dahil baka mamaya ay hinahanap na pala siya ng mga kaibigan niya.

Wala na rin naman itong nagawa kundi ang payagan siyang umalis dahil pinilit niya talaga ito. Mabuti na lamang at tulog na ng mga oras na iyon si Gwen dahil kung gising lamang daw ito ay panguradong nag- iiyak ito. Ang lalaking kinaiinisan niya naman ay wala doon dahil abala sila na nag- uusap ni Zake kaya hindi na rin siya nakapagpaalam sa mga ito.

Pagkalabas niya nga sa yate ay kaagad siyang luminga- linga sa kaniyang paligid at pagkatapos ay naglakad- lakad upang hanapin ang mga ito. O kaya ay babalik na lamang siya sa kung nasaan siya kanina. Ilang sandali pa nga ay tuluyan na siyang nakabalik sa kung nasaan siya kanina ngunit w