Chapter 26.8

“Ano?” kunot na kunot na tanong ni Thirdy nang marinig nila ang sinabi ng tauhan ni Finn na may alam kung sino ang boss na tinawagan nila kanina gamit ang cellphone ng impostor na iyon.

Halos pare- pareho sila ng reaksiyon nang marinig nila ang sinabi nito at hindi sila makapaniwala. Maging siya ay gulat na gulat at hindi niya inaasahan na ito pala ang may utak ng lahat ng iyon. Bigla tuloy nabuo ang tanong sa kaniyang isip kung bakit nito nagawa ang mga bagay na iyon. Ano ang nagtulak rito?

“Pero bakit?” halos manghinang tanong muli ni Thirdy.

Nang lingunin niya ito ay nakasabunot na ito sa buhok at tila ba mababaliw na dahil lang sa nalaman nila ng mga oras na iyon. Maging siya ay nagulat dahil sa nalaman nila, isa pa ay hindi niya inakala na ang boss ng impostor na iyon ay ang lalaking iyon. Wala siyang ideya kung bakit.

“Hindi mo ba natatandaan Thirdy noong una siyang dumating sa bahay?” biglang tanong sa kaniya ni Luke na ikinalingon nila rito.

Napapikit ng mariin si Thirdy at n