Chapter 55

FIFTY FIVE

NAPAANGAT ang kanyang kilay habang nakatingin dito. Hindi niya maintindihan ang sinasabi nito at kung saan nito napulot ang sinasabi nito ng mga oras na iyon.

Tinitigan niyang mabuti ang mukha nito ngunit hindi niya matandaan na nakita na niya ito sa tanang buhay niya, nasisiguro niya na ngayon niya lamang ito nakita kaya imposible naman ang sinasabi nito sa kanya.

"Sinabi lang nila sa akin iyon," nakangising saad nito at pagkatapos ay napailing.

Napakunot naman ang kanyang noo dahil sa sinabi nito. Sino naman sana ang nagsabi nito sa kanya at paano naman sana nakaksigurado ang source nito na spoiled brat nga siya?

Well, una sa lahat ay hindi naman talaga siya spoiled brat. Sadyang mahal na mahal lang talaga siya ng kanyang mga magulang kaya halos lahat ng gusto niya ay ibinibigay n