Chapter 9

Hindi nagreklamo si Seira dahil pinaghintay ko siya ng matagal. Hindi niya rin binanggit ang tungkol sa mga tawag niya na hindi ko sinagot at mga text niyang hindi ko nireplayan.

Nasa loob kami ng sasakyan ko at magkaharap. Nakangiti siya habang tinitignan ako na binubuksan ang tupperware na naglalaman ng cookies. Napangiti rin ako dahil sa reaksyon niya na tila batang excited na makita ang surpresang inihanda.

"I'm sure it is yummy," sabi ko at saka kumuha ng isang chocolate cookie na binake niya.

"Naman! Ako nag-bake niyan eh." Pagmamalaki niya na sinamahan pa ng pagtaas ng isang kilay. "Bakit ba nakagloves ka? Kakain ka ng may gloves ang kamay mo? Tanggalin mo kaya 'yan." Napahinto ako at napatingin sa kamay ko. I wear gloves to hide my wounds. Alam kong hindi makakatakas sa mata niya ang bagay na ito lalo pa't hindi naman ako nagsusuot ng gloves.

"Ahm, D-Dad told me to wear gloves starting today. Hindi ko alam kung bakit o para saan, but