Chapter 32

"I really hate issues. Sino naman kaya naglagay no'n sa libro ko," naiinis na sabi ni Saji kaya naupo ako sa seat ko at tumikhim na lang.

"'Di ba magkasama kayo sa party kahapon? Siguro nilasing mo si Kent para pagsamantalahan mo siya 'no!?" Umawang ang labi ko sa bintang ng isang babae kay Saji.

"Duh? Tingin mo sa akin may gusto sa kanya? Hindi ba malinaw na best friends kami mga tangang chismosa,” inis na sabi ni Saji at padabog na ibinaba ang bag niya sa likod niya.

"You want to eat?" tanong ko sa kaniya.

"Mabuti pa nga baka makapanakit pa 'ko ng marurumi utak, linis linis psh." Tumayo si Saji at hinablot ang bag niya kaya tumayo na rin ako at sinuot ang bag ko.

Habang naglalakad ay nakita kong wala talaga sa mood ang kasama ko dahil sa bintang na natatanggap niya at alam kong mabilis na kakalat 'yon dahil maraming mga bubuyog sa paligid. "Kalma lang Sajing, kasama mo 'ko,” sambit ko sa kaniya.

"Wala ka bang tiwala sa best frie--"

"Argelia." Natigilan ako sa biglaan