Chapter 66

Hindi ko namalayan na nakatulog ako habang umiiyak dahilan para tanawin ko ang orasan na nakasabit sa pader.

Alas kwarto na pala ng madaling araw. Bumangon ako at dahan-dahan na binuksan ang pinto ngunit halos manlaki ang mata ko nang makita si Kent Axel na nakatulog sa tapat ng pinto ko habang nakabaluktot dahil sa lamig.

Dahilan para masapo ko ang noo at bumalik sa kwarto ko upang kumuha ng unan at kumot, maagap kong inangat ang ulo niya upang lagyan ng unan at kumutan siya.

Bumuntong hininga ako habang nakatitig sa kanya, napapailing akong tumayo at kumuha ng basang bimpo upang punasan ang mukha niya.

Ngunit habang pinupunasan siya ay nagising siya dahilan para mapalunok ako dahil nagtama kaagad ang mata namin.

“Kung gising ka bumangon ka na diyan, doon ka sa sofa.” Tumayo ako at lumayo sa kanya, pumunta naman ako sa kusina upang kumuha ng maiinom niya.

“D-Did I pass out?” tanong niya, inilapag ko ang baso ng tubig na may honey nang makaupo siya sa sofa.

“Kaya ka nga