Chapter 16

16

"Andrina, ito na iyong mga ipinapabili mo sa palengke hija." Ngumiti lamang si Erin kay Manang Lucing.

"Salamat po manang. Mabuti na lang po at pumayag si Xavien na magluto ako."

"Ano bang lulutuin mo hija? Gusto mo bang tulungan kita? " Malumanay na tanong ng katulong kay Erin.

"Hindi na po manang. Kaya ko na po ito."

Napatango na lamang si Manang Lucing. Sa loob ng ilang taon ay ngayon lamang siya hindi magluluto sa bahay ng kanyang amo.

Pinanood niya si Erin at masasabi ni Manang Lucing na bihasa ito sa kusina, hindi katulad ni Andrina. Ni minsan ay hindi niya ito nakitang humawak kahit isang kaldero sa kusina.

"Ngayon ko lang din nalamang marunong ka pala sa kusina hija." Magiliw na sabi ni Manang Lucing kay Erin.

Napangiti lamang si Erin dahil sa sinabi ng matanda.

"Hindi ko rin po alam manang, basta nang payagan ako ni Rowan na gawin ang mga gusto ko sa mansion niya ay kinagiliwan ko na ang pagluluto." Ngiti ni Erin.

"Mabuti naman hija at mabait sa iyo ang doktor na iyon."

"