Kabanata 37

Patuloy pa ring inoobserbahan ni Dr. Ramos at Doc Via si Tajana ng magising na ito. Hinihintay nilang magsalita ang dalaga.

"Tajana?" tawag muli ni Doc Via dahil hindi pa rin sumasagot si Tajana.

"Po?"

Napabuntong hininga si Doc Via dahil sa reaksyon ng dalaga.

"Mukhang hindi gumana Dr. Ramos."

Tinitingnan pa ring mabuti ng isang doktor si Tajana.

Nang lumapit pa ito ay napalayo na ang dalaga.

"Dr. Ramos hindi gumana."

"Pwede pa naman nating subukan ulit."

"Hindi na po pwede 'yon. Baka manghina na siya. Marami pa siyang hindi naaalala sa nakaraan niya. Baka makagawa pa siya ng ibang alter niya kapag napressure natin siya."

Tumikhim si Dr. Ramos bago nagsalita.

"Magaling ang ginawa mo Ms. Canizales. Sa susunod naman natin ulit susubukan ah?"

"Sige po Doc... Salamat." nakangiting sabi ng dalaga.

Nang makaalis si Dr. Ramos ay mas nakahinga ng maluwag si Doc Via.

"Hayyy." buntong hininga ng doktor.

"Ayos lang po ba kayo?"

"Okey lang ako." ngumiti ito.

"Mabuti pa Doc. Magpahinga na po kayo