Chapter 73

Tulad ng plano, sinubukan kong ibalik ang sarili ko kahit na ang totoo ay nagpapanggap lang talaga akong ayos na. Tulad ng sabi ni Tito GH, magaling talaga akong magpanggap.

"Natutuwa ako na nakabalik ka na sa trabaho," naiiyak na sabi ni Ate Lluvia na dinalaw ako sa office ko.

Lumalaki na rin ang tiyan niya. Ayoko siyang mastress kaya hindi niya pwedeng malamang nagdududa ako sa asawa niya.

"Lux, batid kong hindi ito madali ngunit nakikita kong sinusubukan mo," dagdag niya.

"Kailangan niyo na po sigurong umuwi lalo pa't buntis ka," sabi ko habang nakatingin sa tiyan niya.

Siguro, mahahalata ko na rin siguro ang tiyan ko kung hindi namatay ang anak namin ni Lino. Siguro ang saya pa rin namin.

"Kailangan ko pa pong ayusin ito lahat," sabi ko sabay iwas ng tingin. Hindi ko na siya inintindi hanggang sa makalabas na siya.

Naiiyak ako at ayokong ipakita sa kanya na naiinggit ako kasi buo ang pamilya niya. Masaya ako for them pero nasasakt