Chapter Fifty

"MAMA!" Nagliwanag ang mukha ni Carina nang ako ang bumungad sa kanya paggising niya. 

Agad niya akong binalot ng yakap. 

"Good morning, anak," bati ko sa kanya. 

"Good morning, Mama," bati niya sa akin yabang nakayakap. "Nandito ka na," masayang sambit niya. 

"O, di ba? Sabi ko sayo paggising mo nandito na ako, eh."

Alas kwatro kami umalis ni Sky ng Baguio. Pasado alas sais ay nakarating na kami ng Patar. 

Nag-angat sa akin ng tingin si Carina at ngumiti. "Pasalubong?" Ngumuso siya sa akin. 

Natawa ako sa kanya. "Nasa ref na anak. Mamaya na natin tingnan pagkatapos kumain ng breakfast, okay?"