38- Partnership

Dinig na dinig ni Vic ang malalim na paghinga ni Jacob habang nakatingin ito sa kalawakan ng farm mula sa harap ng malaking bahay.

"Salamat sa iyo," wika ni Vic, "lalong naging masagana ang ani natin. Magaganda ang produkto ng poultry at ng babuyan. Malulusog din ang mga anak ni Malia. Magaling kang mamalakad."

Napangiti si Jacob nang marinig ang pangalang Malia. Sa wakas ay pinangalanan niya ang mga kabayo sa farm na request sa kaniya ni Mia noon. "Nagsusumikap ho ako para hindi ko na kailangang bumalik sa Canada. Gusto kong maiuwi rito si Dad. Magaganda na rin naman ang facilities dito sa atin," tugon niya. "Sana nga una pa lang ay hindi na ako umalis. Sana tinulungan ko na lang ang Lola. Things might have been different."

"Ginawa mo lang kung ano ang sa tingin mo ang nararapat gawin noon dahil isa kang mabuting anak. Sigurado akong ipinagmamalaki ka ni Leonel."

"Sana nandito pa ang Lola para makita ang lahat ng ito. Siguro tatalon iyon sa tuwa kapag nakita na lalong umuunlad ang fa