CHAPTER 25

PAKIRAMDAM NI SHANELLE ay para siyang binuhusan ng isang timbang tubig nang makaramdam siya ng lamig sa buo niyang katawan. Iminulat niya ang kaniyang mga mata at namataan niya ang sarili sa damuhan. Tumayo siya mula sa pagkakahiga sa damuhan at pilit na inalala ang nangyari.

Natandaan na niya. Iyong pag-aaway nila ni Trixie. Hindi niya rin namalayan na sa gitna ng pag-iyak niya, nakatulog na rin siya sa kinauupuan niya— sa damuhan. Nagngalit siya nang maalala ang rebelasyong kanina lang din niya nalaman. Si Trixie— ang babaeng iyon ang may gawa ng sulat. Sa bibig na nito nanggaling na ito ang gumawa ng sulat na nabasa ng mga magulang niya na naging mitsa ng pagkamatay ng papa niya.

Pinagpagan niya ang sarili bago naglakad pauwi sa kanilang bahay. Kahit na medyo mahapdi ang ulo, nagpatuloy pa rin siya dahil gusto na niyang makita ang kaniyang mama na halos isang linggo na niyang hindi nakita.

Nang makakita ng taxi, pumara na siya at nang tumigil ito sa harap niya, sumakay na siya. Nag