CHAPTER FIFTY-SIX [PART 2]

ISLA’S POV

“Belle, sino ‘yan?” Mas lumakas ang kabog ng puso ko nang marinig ang taong nagsalita mula sa likod ni Mama.

“Ti-tita?” Puno ng pagtataka ang mga mata ni Sasa. Palipat-lipat ang mga tingin niya sa amin ni Mama na halatang naguguluhan na sa mga nakikita niya.

Bago pa ako makasagot ay bumungad na naman sa harap naming ‘yong boses na narinig namin na galing sa likod ni Mama, ang Mommy niya.

“A-apo…”

Natikom ko ang mga labi ko nang makita ko sila nang harapan. Hindi maikakaila ng kahit sino man na mag-ina ang mga taong kaharap ko. Bakit nga ba ngayon ko lang napansin ‘yon? Napansin ko dati ‘yong mga mata niya kaso hindi ko lang maalala kung kanino ko ‘yon nakita. Para talaga silang pinagbiyak na bunga.

Tumikhim ako. Hindi ko malingon si Sasa