Chapter Fifteen

Tinahak ko ang daan palabas, parang bumilis ang tibok ng puso nang madatnan na nakabukas na ang gate. Tanging ako lang mag-isa ang lumabas dahil dumiretso si Marga sa underground kung saan naroon ang garahe o parking area ng mga sasakyan ni Zaccheus. May dalang sasakyan si Marga at kukuhanin niya ito mula duon.

Nakita ko ang guard na binaril ko sa paa ba 'yon o binte? Nakasandal siya sa pader katabi ng nakabukas na gate, hindi masama kundi madiin ang tingin niya sa akin. Hindi ko alam kung galit ba siya sa ginawa ko o nagagandahan siya sa akin.

May isang guard naman na nakaabang sa gate, matuwid ang tinding at ang dalawang kamay ay magkahawak sa likod niya. Hindi iyon ang guard na hinalikan ko, iba na namang guwardya ito.

"Who's one of you is Armik?" Nagpalipat-lipat ang tingin ko sa kanilang dalawa.

"Ako po 'yon, Miss Mildred." Tama ang hula ko na iyon ang lalaking tuwid ang tindig.

"Sinabi ba ni Zaccheus sa'yo kung saan tayo pupunta?" t