Chapter Fifty

Olivia

Habang nasa biyahe kami ni Zander ay walang imik akong nakadungaw sa salamin ng kotseng minamaneho ni niya. Hindi naman ganoon ka-tinted ang sasakyan kaya’t kitang-kita ko ang dinadaanan namin.

Nagbuntong hininga ako ng malalim habang patuloy na nakatanaw sa labas. Hindi na pamilyar sa akin ang lugar na ‘to. Sandali kong nilingon si Zander na kasalukuyang diretso ang tingin sa kalsada.

“Are you really sure na alam mo kung saan matatagpuan ang amo mong si Lloyd?” mahinang tanong ko habang ang tingin ay nakasulyap nang muli sa bintana.

“Sigurado po ako, Ma’am Olivia. May isang kaibigan po kasi si Sir Lloyd na madalas niyang puntahan kaya posible po na doon siya tumutuloy ngayon.” Kalmadong sagot ni Zander sa akin.

“Mukhang kilalang-kilala mo nga talaga siya, ‘no? Matagal ka na bang nagtatrabaho sa kanila?”

“Sa pamilya Montero po ba, o kay Sir Lloyd lang po?”

“Sa kanilang lahat,”

“Ah, pagka-graduate na pagka-graduate ko pa lang po nang college ay nagtatrabaho na ako sa kanila.”

“S