Chapter Twenty

Olivia

Ilang minuto ko ring pinag-isipan kung dapat ko na bang puntahan si Daddy. Bigla kasi akong nakaramdam ng matinding kaba sa aking dibdib kanina. Hindi ko alam kung tama ba ang pagkakaintindi ko pero sabi ng mga matatanda noon, kapag nakaramdam ka daw ng sobrang kaba, maaaring may masamang mangyari, o mangyayari sa isang mahal mo sa buhay.

Hindi ko tuloy maiwasang isipin kung ano nang nangyayari kay Daddy sa mga oras na ‘to. Hanggang sa magdesisyon ako na puntahan na siya. Bahala na. Lulunukin ko na ang pride ko, masiguro ko lang na nasa maayos na kondisyon si Daddy.

Nilikom ko lang ang mga nakakalat sa kwarto bago ko kunin ang tuwalya ko at maligo. Hindi rin ako nagtagal dahil may parte sa akin na gustong-gusto nang makita si Daddy kaya wala na akong inaksaya pang oras. Wala pang kalahating oras nang matapos ako sa paliligo.

Binilisan ko na ang pamimili ko ng damit pati na rin ang pag-aayos ko bago ako magpasiyang iw