Chapter 56

Naalimpungatan ako ng gising na wala na si Arkesha sa tabi ko. Bahagya akong nag-panic ngunit nang agad kong mapansin ang sticky note na iniwan nito sa may bedside table ko ay kumalma ako. Nakasaad na uuwi muna siya saglit upang i-check si Noah pagkatapos kukuha nang ilang mga gamit at damit ko na kakailanganin ko pa dito. Nasilip na daw niya si baby Lightley at maganda ang nagiging improvement daw nito.

Napangiti ako.

Matapos nun ay inabala ko na lang ang sarili ko sa pagtanaw sa bintana. Nagkakagatan na ang dilim at liwanag sa labas, halos gabi na pala. Maulap ang kalangitan—ahh hindi, makulimlim ang ulap, nagbabadya ang pag-ulan. Sana makabalik na siya agad, nami-miss ko na siya. Hmm.

Naputol ang pag-iisip ko nang makarinig ako nang mahinang pagkatok sa may pintuan. Ngiti ang agad kong sinalubong dahil inaasahan ko nang dumating na si Arkesha. Ang bil