TCC #16.4 Forsaken Bond

Mariing ipinikit ni Shantal ang kanyang mga mata nang marinig niya ang boses ng kanyang Ate Celine. Ang kanyang mga daliri ay hindi mapakali samantalang ang kanyang isip ay nagtatalo kung lalabas ba siya ng banyo o hahayaan niyang makita siya ng kanyang kapatid sa mismong opisina ng asawa nitong si Dustin. Nang maalala niyang muli ang bilin sa kanya ni Dustin ay napagdesisyunan niyang lumipat ng kanyang pinagtataguan. Hindi siya pwedeng lumabas na lang basta pero maaari naman niyang padaliin ang paghahanap ni Celine sa kanya. Mula sa may bath tub ay lumakad siya patungo sa likod mismo ng pinto ng restroom. Pumwesto siya roon para mas madali siyang makita ni Celine. Dinig na dinig na niya ang mga papalapit na yabag at ang kasalukuyang pagtatalo ng mag-asawang Saavedra.

“Bakit mo ba ako pinipigilang pumasok sa restroom ha, Dustin?” Inis na saad ni Celine nang bigla na naman siyang hawakan sa kanyang kamay n