Kabanata 95

TAAS ANG NOONG naglalakad si Clea patungo sa elevator na para sa mga empleado na katulad niya. Ramdam niya ang kakaibang tingin na ipinupukol sa kaniya ng mga katrabaho, subalit ipinagkibit-balikat na lamang niya iyon saka tumuloy nang pasok sa loob ng elevator.

Wala siyang pakialam kung ano man ang isipin sa kaniya ng ibang tao. At least, she knew the truth. At hindi na niya kailangang ipaliwanag pa sa iba ang totoo dahil isang pagsasayang ng oras lamang iyon para sa kaniya. Hahayaan niya lang ang ibang tao na pag-isipan siya ng masama o kung ano-ano.

Kasalukuyang pupunta siya ngayon sa opisina ni Lawson dahil pinapatawag na naman siya ng lalaki. Ilang beses na rin siyang pinagsasabihan nito na ang pribadong elevator na lang ang kaniyang gamitin sa tuwing pupunta siya sa opisina ng lalaki. Subalit, hindi pa rin siya nakinig. Kahit pa man asawa na niya ang may-ari ng kumpanyang pinagtatrabahuan niya'y hindi pa rin maitatangging nagsimula siyang magtrabaho para sa kumpanya bilang isa