Chapter Twelve

                                     NANG makabalik ako sa opisina ay itinuon ko na lang ang buong atensiyon ko sa mga papeles na naroon sa mesa. Ni-hindi ko man lang nga nagawang hawakan pa ang aking cellphone hanggang sa sumapit ang alas singko.

Balak ko sanang mag-over time subalit naisipan kong umuwi na lang sa aking condo upang makapagpahinga at makatulog rin ako ng maayos.

Dali-dali akong nagligpit ng aking mga gamit ngunit bago pa man ako matapos ay dumating naman si Molly.

"Ano na naman?" May bahid ng iritasyon na tanong ko sa aking kapatid.

"Naku! May regla ka pa rin? Kaninang umaga pa 'yan ah!" Pang-aasar niya saakin.

"Molly, kung mang-aasar ka lang ngayon, puwede bang bukas na lang? Marami akong iniisip ngayon kaya huwag ka ng dumagdag pa."

"Tsk! Wala akong balak mang-asar. Actually, balak kong sumabay sa'yo pauwi. At do'n muna ako magpa