LOVE & BULLETS C8

WILRICH ELLA BELLE...

Mataman n'yang pinag-aaralan ang mga galaw sa labas. Halatang may hinahanap ang mga ito dahil naririnig n'ya ang paggalawan ng mga gamit sa labas ng kwarto n'ya.

Naikuyom n'ya ang mga palad at igting ang mga panga habang pinapakinggan ang mga ingay sa labas.

Lumapit si Nile sa kan'ya at tamang-tama lang na nakadikit ang likod nito sa pader at may umikot ng seradura ng kwarto nila para buksan.

Senenyasan n'ya si Nile at mukhang nakuha naman nito ang kan'yang ibig ipaabot kaya agad itong naghanda sa gagawin nilang pambungad sa mga pangahas na pumasok sa kan'yang unit.

Sinadya n'yang buksan ang lock ng pinto para madali para sa mga ito ang makapasok. At nang ikutin ulit ito ng tao sa labas ay bumukas agad ito. Inihanda n'ya ang sarili sa posibling mangyari.

May silencer ang pareho nilang baril ni Nile pero mas gusto n'ya ng hindi madugo na labanan dahil ayaw n'yang mabahiran ng dugo ng mga demonyo ang bahay n'ya. Hindi worth at ayaw n'ya ng amoy ng dugo lalo na kung