CHAPTER 23

PAULYN....

Mag-isa s'yang umuuwi sa condo ni Zachary. Hinintay n'ya ang binata hanggang mag alas syete ng gabi kasi ang sabi nito susunduin s'ya.

Pero nagulat na lang s'ya ng tawagan s'ya nito bandang alas syete na hindi ito makakarating dahil may emergency na trabaho daw itong tatapusin.

Bigla s'yang nalungkot pagkatapos patayin ang tawag. Nasanay na kasi s'yang hatid sundo ng nobyo. Ngayon lang nangyari na hindi s'ya nito nasundo.

Mabibigat ang mga kilos na inayos n'ya ang mga gamit.

Mag-isa na lang s'ya sa opisina nila, dahil alas singko pa lang ay nagsiuwian na ang lahat.

Pagkatapos maayos ang mga gamit, bumaba na s'ya sa lobby. Magba- bus na lang s'ya pauwi sa condo ni Zachary.

Ngunit nagulat s'ya ng paglabas n'ya may isang gwapong lalaki ang lumapit sa kan'ya. Napaka seryoso ng mukha nito at mukhang hindi marunong ngumiti.

"Zachary asked me to fetch you," pagbibigay alam nito sa kan'ya. Pinakiramdaman n'ya ang sarili. Hindi naman s'ya nakaramdam ng panganib sa lalaki.

Nang hind