THE ASSASSIN'S GLORY CHAPTER 9

GLORYBELLE SCARLETT...

Napabalikwas s'ya ng bangon at inilibot ang paningin sa paligid. Kinusot- kusot n'ya pa ang kan'yang mga mata at mahinang tinapik-tapik ang kan'yang pisngi.

"Nananaginip ba ako? Shit! Ganito na ba ako kabaliw kay Gabrielle na kahit sa panaginip ko feel na feel ko ang mga halik at haplos n'ya," pabulong na pagkausap n'ya sa sarili.

Pabalik-balik sa isip n'ya ang mga sinabi nito sa kan'yang panaginip pati na ang pag-amin nito na isa itong assassin. Hindi naman s'ya naniniwala dahil sa mga movies n'ya lang napapanuod ang mga assassins at alam n'yang wala n'yan sa totoong buhay.

Baka pulis maniwala pa s'ya pero ang sinasabi nitong assassin, no way! Bumaba s'ya sa kama at tumayo, ipinusod n'ya ang kan'yang buhok pataas at lumabas ng kwarto.

Natigilan s'ya ng maalala na galing pala s'ya sa palengke at ang kan'yang mga pinamili ay iniwan n'ya lang kanina sa lababo. Sa isiping iyon agad s'yang tumakbo patungo sa kusina at hinanap ang mga binili ngunit wala na ito doon.