Chapter 23 (2)

BAKAS sa mata ni Lianna ang kasiyahan ng dalhin siya ni Emmanuel sa isang hardin. Ang naglalakihang mga bulaklak ay labis na nagpapakalma sa kanya. Napasulyap siya kay Emmanuel ng may saya sa kanyang mga mata. Ang ginawa ni Emmanuel ay labis na nagpapasaya sa puso niya at dahil doon ay ang bilis ng pintig nito.

Napatulala si Lianna dahil parang kumikinang si Emmanuel sa kanyang mga mata. Unti-unting nahihirapan siyang huminga dahil mas bumilis ang tibok ng kanyang puso. Ano ba ang ibig sabihin nito? Napahawak siya sa kanyang dibdib, may gusto ba siya kay Emmanuel?

“Lianna, anong nararamdaman mo? Are you okay?” May pag-aalala sa tanong ni Emmanuel kaya napatungo si Lianna.

“E-Emmanuel, ang ganda rito! Sobrang saya ko dahil nawala ang agam-agam ko kanina. Iniisip ko kasi baka dalhin mo ako sa mga expensive restaurant, nahihiya ako dahil malalaman nila na isang basura lamang ang kasama mo kung ganoon. Baka pagtawanan ka nila dahil sa akin,” Kitang-kita ang sakit sa mga mata ni Lianna h